ملک بھر کے تمام ایئرپوٹس پر بیرون ملک سے آنے والے مسافروں کی کووڈ ٹیسٹنگ کا آغاز
اردو انٹرنیشنل (مانیٹرنگ ڈیسک) ملک بھر کے تمام ہوائی اڈوں پر بیرون ملک سے آنے والے مسافروںکی کووڈ ٹیسٹنگ کا آغاز کر دیاگیا ہے اس سلسلے میں قومی ادارہ برائے صحت نے بارڈر ہیلتھ سروسز ڈپارٹمنٹ کو کووڈ ٹیسٹنگ کٹس فراہم کردیں۔وفاقی وزارت صحت کے حکام کے مطابق بارڈر ہیلتھ سروسز ڈپارٹمنٹ کو 40 ہزار ریپڈ ڈائگنوسٹک کٹس دی ہیں۔
حکام کا اس حوالے سے مزید کہنا ہے کہ اسلام آباد سمیت زیادہ ترائیرپورٹس پرباہر سے آنے والوں کی کووڈ ٹیسٹنگ شروع ہوگئی ہے، بیرون ملک سے آنے والے 2 فیصد مسافروں کی لازمی کووڈ ٹیسٹنگ ہوگی۔ میڈیا رپورٹس کے مطابق حکام کامزید کہنا تھاکہ چند ظاہر ہونے والے کووڈ کیسز کی جینوم سیکونسنگ بھی ہورہی ہے، ہمارے ہاں کووڈ 19 کی شرح ایک فیصد سے بھی کم ہے جب کہ جے این 1 کا کوئی کیس سامنے نہیں آیا۔
دوسری جانب بارڈرہیلتھ سروسز حکام کے مطابق ملتان اور فیصل آباد انٹرنیشنل ائیرپورٹس پر تاحال ٹیسٹنگ کٹس نہیں پہنچیں۔واضح رہے کہ نیشنل کمانڈاینڈآپریشن سینٹر(این سی اوسی)بیرون ملک سے آنے والے مسافروں کی کووڈ ٹیسٹنگ کرنے کا فیصلہ کیا تھا اوربیرون ملک سے آنے والے 2فیصد مسافروںکی لازمی کووڈ ٹیسٹنگ لازمی قرار دی تھی۔ این سی او سی حکام کا کہنا ہے کہ ٹیسٹنگ کا فیصلہ دنیا بھر میں پھیلے گئے کورونا کے نئے ویرینٹ جے این ون کی روک تھام کرنا ہے۔کووڈ ٹیسٹنگ کےلئے ریپڈ ڈائیگنوسٹک کٹس قومی ادارہ برائے صحت فراہم کرے گا ۔
