اسلام آباد ایکسپریس وے پر ٹریفک حادثہ ، 4افراد جاں بحق ،5 زخمی
اردو انٹرنیشنل (مانیٹرنگ ڈیسک) اسلام آباد ایکسپریس وے پر ڈھوک کالا خان اسٹاپ کے قریب کار اور موٹر سائیکل کے درمیان تصادم ہوا جس کے نتیجے میں 4 افراد جاں بحق اور 5 زخمی ہوگئے۔
ذرائع کے مطابق اسلام آباد ایکسپریس وے کے مقام پر ڈھوک کالا خان اسٹاپ کے قریب خوفناک ٹریفک حادثہ پیش آیا جس میں 4 افراد جاں بحق اور 5 زخمی ہوگئے، تمام زخمیوں کو فوری ابتدائی طبی امداد کیلیے اسپتال منتقل کر دیا گیا۔
ترجمان 1122 کا کہنا ہے کہ حادثہ کار اور موٹرسائیکل کے درمیان پیش آیا، زخمیوں میں 4 افراد کی حالت انتہائی تشویشناک ہے جب کہ جاں بحق افراد کی لاشیں پمز ہسپتال منتقل کردی گئی ہیں۔
ذرائع کے مطابق ٹریفک حادثہ میں جاں بحق 2 افراد کا تعلق مسیح برادی سے ہے، تمام زخمی افراد کا تعلق بھی مسیح برادری سے ہے جب کہ کار میں سوار تمام افراد نشے کی حالت میں تھے۔
