Decision in principle to stop broadcasting of PSL in India-PSL
پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے 11ویں ایڈیشن کو بھارت میں نشر نہ کرنے کا اصولی فیصلہ کر لیا ہے ذرائع کے مطابق اس فیصلے کا باضابطہ اعلان جلد متوقع ہے۔
ذرائع کا کہنا ہے کہ پی سی بی نے بھارت ریجن کے لیے پی ایس ایل 11 کے براڈکاسٹ رائٹس فروخت نہ کرنے کا فیصلہ کیا ہے، جس کے تحت بھارتی ناظرین اس ایونٹ کو سرکاری طور پر دیکھنے سے محروم رہیں گے اس فیصلے کے پس منظر میں مختلف انتظامی اور پالیسی معاملات شامل بتائے جا رہے ہیں۔
واضح رہے کہ پاکستان سپر لیگ نہ صرف پاکستان بلکہ دنیا بھر میں کرکٹ شائقین میں بے حد مقبول ہے لیگ میں پاکستانی اسٹار کرکٹرز کے ساتھ ساتھ نامور غیر ملکی کھلاڑیوں کی شرکت کے باعث پی ایس ایل کے میچز کو عالمی سطح پر بھرپور پذیرائی حاصل ہوتی ہے۔
