Australia won the first Ashes Test against England by eight wickets-AFP
آسٹریلیا نے پرتھ میں کھیلے گئے پہلے ایشز ٹیسٹ میں انگلینڈ کو محض دو دن میں آٹھ وکٹوں سے شکست دے کر پانچ میچوں کی سیریز میں 1-0 کی برتری حاصل کر لی۔
ہدف 205 رنز کے تعاقب میں عارضی اوپنر ٹریوس ہیڈ نے جارحانہ 123 رنز کی شاندار اننگز کھیل کر ٹیم کی فتح یقینی بنائی۔
میچ کے دوسرے دن بالرز کا مکمل راج رہا جہاں مجموعی طور پر 19 وکٹیں گریں۔
آسٹریلیا کے مچل سٹارک نے تباہ کن بولنگ کرتے ہوئے 7-58 کے اعداد و شمار کے ساتھ انگلینڈ کو دوسری اننگز میں 172 رنز تک محدود کیا، جبکہ انگلینڈ کے کپتان بین اسٹوکس نے 5-23 کے ساتھ میزبان ٹیم کو پہلی اننگز میں دھچکا دیا۔
انگلینڈ کی جانب سے زیک کرولی دوسری مرتبہ میچ کے پہلے ہی اوور میں بغیرکوئی رن بنائے آؤٹ ہو گئے، جبکہ بین ڈکٹ (28*) اور اولی پوپ (24*) نے لنچ تک مزاحمت دکھائی، مگر مجموعی طور پر آسٹریلوی فاسٹ بولرز نے دباؤ برقرار رکھا۔
آسٹریلیا نے ابتدا میں 132 رنز پر ڈھیر ہونے کے باوجود بھرپور واپسی کی اور فیصلہ کن برتری حاصل کرتے ہوئے سیریز کا فاتحانہ آغاز کیا۔
