Pakistan announces 18-member squad for Test series against South Africa-PCB
پاکستان کرکٹ بورڈ نے آئی سی سی ورلڈ ٹیسٹ چیمپئن شپ 2025-27 کے تحت جنوبی افریقہ کے خلاف دو ٹیسٹ میچوں کی ہوم سیریز کے لیے 18 رکنی اسکواڈ کا اعلان کر دیا ہے ٹیم کی قیادت شان مسعود کو سونپی گئی ہے، جب کہ آصف آفریدی، فیصل اکرم اور روہیل نذیر کو پہلی بار ٹیسٹ اسکواڈ میں شامل کیا گیا ہے۔
دیگر کھلاڑیوں میں بابر اعظم، محمد رضوان، شاہین شاہ آفریدی، حسن علی، امام الحق، عبداللہ شفیق، سعود شکیل، ساجد خان، سلمان علی آغا، ابرار احمد، نعمان علی، عامر جمال، کامران غلام اور خرم شہزاد شامل ہیں۔
جنوبی افریقہ، جو حالیہ آئی سی سی ٹیسٹ چیمپئن شپ 2023-25 کا چیمپئن ہے، پاکستان کے خلاف پہلا ٹیسٹ 12 تا 16 اکتوبر لاہور اور دوسرا 20 تا 24 اکتوبر راولپنڈی میں کھیلے گا۔
سیریز سے قبل تربیتی کیمپ آج سے ہیڈ کوچ اظہر محمود کی نگرانی میں نیشنل کرکٹ اکیڈمی میں شروع ہو چکا ہے، جو 8 اکتوبر تک جاری رہے گا ایشیا کپ میں شرکت کرنے والے کھلاڑی 4 اکتوبر کو کیمپ میں شامل ہوں گے۔
ٹیسٹ سیریز کے بعد تین ٹی ٹوئنٹی اور تین ون ڈے میچز بھی کھیلے جائیں گے جن کا آغاز 28 اکتوبر سے ہو گا، اور وائٹ بال اسکواڈ کا اعلان بعد میں کیا جائے گا۔
