Big events are coming up in 2025, I will participate in them: Arshad Nadeem
اردو انٹرنیشنل (اسپورٹس ویب ڈیسک) تفصیلات کے مطابق پاکستان کے اولمپک گولڈ میڈلسٹ ارشد ندیم نے کہا ہے کہ “2025 میں بڑے ایونٹس آ رہے ہیں ان میں شرکت کروں گا”۔
ارشد ندیم نے کہا ہے کہ 2024 میرے لیے اور پورے پاکستان کے لیے بہت اچھا رہا، 2025 میں اپنی بہترین تھرو کرنے کا ٹارگٹ ہے۔
انہوں نے اپنے ایک بیان میں کہا کہ ورلڈ ایتھلیٹکس چیمپئن شپ میں اپنی بہترین تھرو کی تو گولڈ میڈل جیتوں گا، کامن ویلتھ گیمز اور پیرس اولمپکس میں بھی اپنی بہترین تھرو کے باعث ریکارڈز بنائے۔
ارشد ندیم نے کہا کہ اولمپکس 2028 میں اپنے اعزاز کا دفاع اور ورلڈ ریکارڈ کی خواہش ہے۔
یاد رہے کہ رواں سال پیرس اولمپکس 2024 میں 40 سال بعد ارشد ندیم نے پاکستان کو گولڈ میڈل جتوایا تھا۔
