پاکستان کا آسٹریلیا کے خلاف تیسرے ٹی ٹوئنٹی میں ٹاس جیت کر پہلے بیٹنگ کا فیصلہ

اردوانٹرنیشنل (اسپورٹس ڈیسک) تفصیلات کے مطابق پیر کو بیلریو اوول میں آسٹریلیا کے خلاف تیسرے ٹی ٹوئنٹی میں پاکستان نے ٹاس جیت کر پہلے بیٹنگ کا فیصلہ کیا ہے۔

قابل ذکر بات یہ ہے کہ پاکستان نے اپنی پلیئنگ الیون میں دو تبدیلیاں کی ہیں، کپتان محمد رضوان اور تیز گیند باز نسیم شاہ کو آرام دیا گیا ہے رضوان کی عدم موجودگی میں نائب کپتان سلمان علی آغا کپتانی کریں گے۔

نوجوان وکٹ کیپر حسیب اللہ خان نے رضوان کی جگہ لی ہے، اس دوران نسیم کی جگہ جہانداد خان ٹیم میں آئے۔

بابر اعظم، صاحبزادہ فرحان اور عثمان خان ٹاپ آرڈر کے ساتھ باقی ٹیم میں کوئی تبدیلی نہیں ہے۔

شاہین آفریدی اور حارث رؤف عباس آفریدی اور جہانداد کے تعاون سے پیس اٹیک کی قیادت کریں گے جب کہ سفیان مقیم لائن اپ میں واحد ماہر اسپنر ہیں۔

پاکستان پلیئنگ الیون: بابر اعظم، حسیب اللہ خان (وکٹ کیپر)، صاحبزادہ فرحان، عثمان خان، سلمان آغا (کپتان)، عرفان خان، عباس آفریدی، شاہین شاہ آفریدی، سفیان مقیم، حارث رؤف، جہانداد خان