اردو انٹرنیشنل (اسپورٹس ویب ڈیسک) تفصیلات کے مطابق پاکستان اسپورٹس بورڈ (پی ایس بی) نے ساف ویمنز چیمپیئن شپ کے لیے قومی ویمن فٹبال ٹیم کو روانگی سے تین گھنٹے قبل این او سی جاری کردیا۔
پاکستان اسپورٹس بورڈ نے اس سے قبل 8 اکتوبر کو این او سی کے اجرا سے معذرت کرلی تھی۔
ذرائع کا کہنا ہے کہ پی ایس بی کے ابتدائی اعتراضات پر ممبر این سی شاہد کھوکھر کی یقین دہانی پر این او سی جاری کیا گیا ہے۔
واضح رہے کہ پاکستان ویمن فٹبال آج دوپہر اسلام آباد سے نیپال روانہ ہوگی اور ساف ویمن چیمپئن شپ 17 سے 30 اکتوبر تک نیپال میں کھیلی جانے گی۔