جرمن کوچ جورگن کلوپ، ریڈ بل کے عالمی فٹ بال چیف مقرر

اردو انٹرنیشنل (اسپورٹس ویب ڈیسک) تفصیلات کے مطابق جرمن کوچ جورگن کلوپ، ، کو ریڈ بل کی عالمی فٹ بال کے سربراہ کے طور پر مقرر کرلیا گیا ہے۔ یہ ان کی پہلی ملازمت ہے جو انہوں نے اس سال کے شروع میں لیورپول چھوڑنے کے بعد حاصل کی ہے۔ کلوپ یکم جنوری 2025 سے اپنی نئی ذمہ داریاں سنبھالیں گے۔

کلوپ نے اکتوبر 2015 میں لیورپول میں شمولیت اختیار کی تھی اور وہاں انہوں نے کئی بڑی کامیابیاں حاصل کیں، جیسے کہ چیمپیئنز لیگ، انگلش لیگ ٹائٹل، کلب ورلڈ کپ، اور مختلف دیگر ٹورنامنٹس جیتنا۔ انہوں نے اپنے نو سالہ دور میں لیورپول کو متعدد ٹائٹلز جیتنے میں مدد کی۔

ریڈ بل، جس کے پاس آر بی لیپزگ اور نیویارک ریڈ بلز جیسے کلب ہیں، نے کہا ہے کہ کلوپ روزمرہ کے کاموں میں شامل نہیں ہوں گے۔ ان کا کام ریڈ بل کے لیے ایک اسٹریٹجک وژن فراہم کرنا ہوگا اور مختلف کھیلوں کے ڈائریکٹرز کو ریڈ بل کے فلسفے کو آگے بڑھانے میں مدد فراہم کریں گے”۔

کلوپ عالمی اسکاؤٹنگ آپریشن میں بھی مدد کریں گے اور کوچز کی تربیت اور ترقی میں اپنا کردار ادا کریں گے۔