پی ایف ایف نے ساف انڈر 17 چیمپئن شپ کیلئے ممکنہ اسکواڈ کا اعلان کر دیا

اردو انٹرنیشنل اسپورٹس ویب ڈیسک تفصیلات کے مطابق پی ایف ایف نے ساف انڈر 17 چیمپئن شپ 2024 کیلئے ممکنہ کھلاڑیوں کا اعلان کر دیا ۔

ساف انڈر17چیمپئن شپ 20 سے 30 ستمبر تک تھمپو میں کھیلی جائے گی ، سجاد محمود ہیڈ کوچ جبکہ حسن بلوچ انکے معاون ہونگے ۔ قومی ٹیم اپنی مہم کا آغاز نیپال کےخلاف 21 ستمبر کو کریگی۔ اس کے بعد قومی ٹیم کے میچز 23 ستمبر کو میزبان بھوٹان اور 25 ستمبر کو سری لنکا کے خلاف شیڈولڈ ہیں ۔

قومی اسکواڈ میں مڈ فیلڈرز کے طور پر عبدالصمد، محمد فراز، فرہاد،ہارون رشید، حکمت اللہ، خبیب خان، ایم شہاب احمد اور محمد خان شامل ، ڈیفینڈرز میں عبدالرحمان،محمد حسنین سلیم، نجیم خان، سمیر احمد، عبید اللہ خان، ماجد علی، سید محمد عابس رضا اور عمر جاوید شامل، فارورڈز میں عبدالغنی،شاہرف خان، حسنین ولی رضا، سبحان کریم، محمد طلحہ خان اور سید کبیر علی شاہ شامل اور گول کیپر عادل علی خان، بالاچ خان، کاشف اور غلام عباس شامل ۔