میسی ارجنٹینا کے ورلڈ کپ کوالیفائر اسکواڈ سے باہر

اردو انٹرنیشنل اسپورٹس ویب ڈیسک تفصیلات کے مطابق ارجنٹائن نے کپتان لیونل میسی کا نام پیر کو چلی اور کولمبیا کے خلاف اگلے ماہ ہونے والے جنوبی امریکی ورلڈ کپ کوالیفائر کے لیے اعلان کردہ اسکواڈ میں شامل نہیں کیا جس کی وجہ میسی کی انجری ہے ۔

میسی جو 37 سال کے ہیں ، کو گزشتہ ماہ امریکہ میں کوپا امریکہ کے فائنل کے دوران ٹخنے کی انجری کے باعث 28 رکنی اسکواڈ میں شامل نہیں کیا گیا تھا۔ انٹر میامی کا کھلاڑی اس وقت اپنے کلب میں اپنی صحت کو بہتر بنانے کے لیے کوشاں ہیں ۔

یاد رہے ارجنٹینا 5 ستمبر کو بیونس آئرس کے مونومینٹل اسٹیڈیم میں چلی کی میزبانی کرے گا اور اس کے پانچ دن بعد بارانکویلا میں کولمبیا کا سامنا کرے گا۔