پاکستان آرمی چیف کی گولڈ میڈلسٹ ارشد ندیم کے اعزاز میں خصوصی تقریب

اردو انٹرنیشنل اسپورٹس ویب ڈیسک تفصیلات کے مطابق چیف آف آرمی اسٹاف جنرل عاصم منیر کی جانب سے گولڈ میڈلسٹ ارشد ندیم کے اعزاز میں خصوصی تقریب کا اہتمام کیا گیا ہے۔

پیرس اولمپکس میں جیولن تھرو کے مقابلے میں گولڈ میڈل حاصل کرنے والے ارشد ندیم کے اعزاز میں خصوصی تقریب جی ایچ کیو میں منعقد ہوئی۔ اس تقریب کا مقصد گولڈ میڈلسٹ ارشد ندیم کی صلاحیتوں کا اعتراف اورحوصلہ افزائی تھا ۔

چیف آف آرمی اسٹاف جنرل عاصم منیر اس سے قبل بھی ہاکی اور کرکٹ کے کھلاڑیوں کی حوصلہ افزائی کے لیے ان سے ملتے رہے ہیں۔

یاد رہے کہ پیرس اولمپکس 2024 میں پاکستان کی جانب سے ارشد ندیم نے ریکارڈ ساز پرفارمنس دیتے ہوئے پاکستان کو 40 سال بعد گولڈ میڈل جتوادیا اور یہ انفرادی مقابلوں میں پاکستان کا پہلا گولڈ میڈل بھی ہے۔

ارشد ندیم نے اپنی دوسری تھرو میں 92.97 میٹرو کی تھرو کردی جو اب تک کا اولمپکس ریکارڈ بھی ہے۔ ارشد ندیم نے اپنی آخری تھرو 91.79 میٹر پھینک کر ایک ہی مقابلے میں دو مرتبہ 90 میٹرز سے زائد کی تھرو پھینک دی۔

یاد رہے کہ پاکستان نے آخری مرتبہ 1984 میں گولڈ میڈل جیتا تھا جبکہ پاکستان کا آخری میڈل 1992 میں کانسی کا تمغہ جیتا تھا اور یہ بھی فیلڈ ہاکی میں جیتا تھا۔