انٹیلی جنس بیسڈ آپریشن میں 3 دہشت گرد ہلاک
20 نومبر 2023 کو ضلع ڈیرہ اسماعیل خان کے علاقے کلاچی میں انٹیلی جنس بیسڈ آپریشن کیا گیا اور شدید فائرنگ کے تبادلے کے بعد دو دہشت گردوں کو ہلاک کر دیا گیا.
جنوبی وزیرستان کے علاقے کوٹ اعظم میں کی گئی ایک الگ کارروائی میں ایک اور دہشت گرد ہلاک ہو گیا۔
ہلاک ہونے والے تینوں دہشت گردوں سے اسلحہ اور گولہ بارود بھی برآمد ہوا، ہلاک ہونے والے دہشت گرد، سیکورٹی فورسز کے ساتھ ساتھ معصوم شہریوں کے خلاف دہشت گردی کی متعدد کارروائیوں میں سرگرم رہے۔
ایک اور واقعہ جو کہ شمالی وزیرستان ضلع کے علاقے غوریوم میں پیش آیا، ایک دیسی ساختہ بم پھٹنےکے نتیجے میں سپاہی شاہ زیب شہید ہوگیا۔
آئی ایس پی آر کا کہنا ہے کہ علاقے میں موجود کسی بھی دہشت گرد کو ختم کرنے کے لیے سینی ٹائزیشن آپریشنز کیے جا رہے ہیں کیونکہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
