مجھے یا میری فیملی کو کچھ ہوا تو پہلے ملزم تم ہوگے،بابر اعوان اور صحافی ثمر عباس میں ٹھن گئی
سوشل میڈیا پر ویب سائیٹ (سیاست ڈاٹ پی کے) نے سینئر صحافی سید ثمر عباس کی جانب سے ایک خبر نشر کی جس میں صحافی نے دعویٰ کیا ہے کہ ملک ریاض اور ایک سینئر وکیل کی عمران خان کے خلاف چند روز میں دھماکے دار پریس کانفرنس متوقع ہے۔انہوں نے مزید کہا کہ کیا ڈاکٹر بابراعوان بھی عمران خان کے خلاف پریس کانفرنس کرنے جارہے ہیں؟سپریم کورٹ عمران خان کو ضمانت کیوں دیدے گی؟
جیسے ہی یہ خبر سیاست ڈاٹ پی کے نے اپنے سوشل میڈیا پلیٹ فارم ایکس (ٹویٹر ) پر جاری کی اس کے تھوڑی دیر بعد سینئر وکیل اور تحریک انصاف کے رہنماء بابر اعوان کی جانب سے بھی شدید ردعمل آگیا .
بابر اعوان نے سوشل میڈیا پلیٹ فارم ایکس (ٹویٹر )پر اپنی ایک ٹویٹ میں کہاہے کہ وہ صحافی ثمر عباس کو نوٹس بھیج رہے ہیں۔ انہوں نے کہا کہ اگرمجھے یا میری فیملی کو کچھ ہوا تو پہلے ملزم تم ہو گے۔ بابر اعوان کا کہنا تھا کہ ہم نیوز کی انتظامیہ سے دیرینہ احترام کا رشتہ ہے، وہ بھی اس کا نوٹس لیں۔
