پیرس اولمپکس : افتتاحی تقریب روایتی انداز سے ہٹ کر ہوگی

اردو انٹرنیشنل اسپورٹس ویب ڈیسک تفصیلات کے مطابق پیرس اولمپکس کا 26 جولائی سے آغاز ہورہا ہے تاہم میڈیا رپورٹس کے مطابق یہ انکشاف ہوا ہے کہ اولمپکس کی افتتاح تقریب روایتی انداز سے ہٹ کر ہو گی۔

رپورٹس کے مطابق پہلی بارپیرس میں اولپمکس کی تقریب اسٹیڈیم کی بجائے باہر منعقد کی جائے گی، دریائے سین کے کنارے اولپمکس کی رنگا رنگ افتتاحی تقریب ہو گی۔

افتتاحی تقریب میں 6 سے 7 ہزار کے قریب اتھلیٹس دریائے سین کےساتھ 6 کلومیٹر کا فاصلہ طے کریں گے اور افتتاحی تقریب میں اتھلیٹس کی واک کا آغاز آسٹرلٹز برج سے شروع ہو کر ایفل ٹاور پر ختم ہوگی۔

5 لاکھ سے زائد افراد کے افتتاحی تقریب براہ راست دیکھنے کی توقع ہے اور اس میں 3 ہزار سے زائد ڈانسرزاور گلوکار تقریب میں پرفارمنس سے رنگ بکھیریں گے۔

یہ بات بھی میڈیا رپورٹس میں سامنے آئی ہے کہ اولمپکس کی افتتاحی تقریب کےبارے میں منتظمین نے تاحال فل ڈریس ریہرسل بھی نہیں کی اور کم وقت رہ جانے کے باوجود منتظمین کی جانب سےزیادہ معلومات فراہم نہیں کی جارہی ہیں۔

میڈیا رپورٹس کے مطابق 2019 میں آگ کی نظر ہونےوالے نوٹرے ڈیم کیتھیڈرل کو بھی خراج تحسین پیش کیاجائےگا اور پیرس اولمپکس کی افتتاحی تقریب کو ابھی تک راز رکھا جارہا ہے۔