سعودی عرب میں ذوالحج کا چاند نظر آگیا، عید الاضحیٰ 16 جون کو ہوگی
اردو انٹرنیشنل ( مانیٹرنگ ڈیسک) تفصیلات کے مطابق سعودی عرب کی سپریم کورٹ کی جانب سے اعلان کیا گیا ہے کہ مملکت میں جمعرات 6 جون کو ذی الحج کا چاند نظر آگیا ہے.
سعودی رویت ہلال کمیٹی کے مطابق بروز جمعہ 7 جون ذوالحج کی پہلی تاریخ ہوگی۔ 15 جون بروز ہفتہ حج کا رکن اعظم وقوف عرفہ ادا کیا جائے گا، جبکہ عید الاضحیٰ اتوار 16 جون کو منائی جائے گی۔
یاد رہے کہ پاکستان میں بھی ذوالحج کا چاند دیکھنے کےلیے مرکزی رویت ہلال کمیٹی کا اجلاس 7 جون بروز جمعہ طلب کیا گیا ہے۔
مرکزی رویت ہلال کمیٹی کا اجلاس محکمہ موسمیات کراچی دفتر میں ہو گا، اجلاس کی صدارت چیئرمین رویت ہلال کمیٹی مولانا عبدالخبیر آزاد کریں گے۔
