Pakistan vs Ireland: Amir leaves for Dublin after getting visa
اردو انٹرنیشنل (اسپورٹس ڈیسک) تفصیلات کے مطابق ذرائع نے رپورٹ کیا کہ پاکستانی فاسٹ بولر محمد عامر کو جمعرات کو آئرلینڈ کا ویزا جاری کیا گیا تھا اور وہ پہلی دستیاب پرواز سے ڈبلن کے لیے روانہ ہوں گے۔
یہ پیشرفت عامر کے ویزا میں تاخیر کے بعد ہوئی ہے اور وہ منگل کو پاکستانی ٹیم کے ساتھ آئرلینڈ روانہ نہیں ہو سکے تھے۔
ذرائع نے مزید بتایا کہ پی سی بی کے چیئرمین محسن نقوی نے فوری کارروائی کرتے ہوئے اس بات کو یقینی بنایا کہ عامر کو آئرلینڈ جانے کی کلیئرنس مل جائے۔
پی سی بی عامر کے ویزے کی صورتحال کے حوالے سے کرکٹ آئرلینڈ کے ساتھ سرگرم عمل ہے کاکول کیمپ کے فوراً بعد عامر سمیت تمام کھلاڑیوں کی ویزا درخواستوں پر کارروائی کی گئی تھی لیکن عامر کو ویزا نہ ملنے پر پی سی بی ہیڈ کوارٹر میں بے چینی پھیل گئی۔
2010 میں اسپاٹ فکسنگ کیس میں محمد آصف اور سلمان بٹ کے ساتھ انٹرنیشنل کرکٹ کونسل (آئی سی سی) نے عامر پر پانچ سال کے لیے بین الاقوامی کرکٹ سے پابندی عائد کر دی تھی۔
پاکستانی ٹیم آئرلینڈ میں تین ٹی ٹوئنٹی کھیلے گی جس کے بعد انگلینڈ میں چار ٹی ٹوئنٹی کھیلے گی انگلینڈ سیریز کے بعد پاکستان ٹی ٹوئنٹی ورلڈ کپ میں شرکت کے لیے امریکا روانہ ہوگا۔
پاکستان:
بابر اعظم، ابرار احمد، اعظم خان، فخر زمان، حارث رؤف، حسن علی، افتخار احمد، عماد وسیم، محمد عباس آفریدی، محمد عامر، محمد رضوان، عرفان خان، نسیم شاہ، صائم ایوب، سلمان آغا شاداب خان، شاہین آفریدی، عثمان خان
