برطانیہ: لڑکیوں سے جنسی زیادتی میں ملوث 24 افراد کو 346 سال قید کی سزا سنا دی گئی
اردو انٹرنیشنل (مانیٹرنگ ڈیسک) برطانیہ میں 8 نوجوان لڑکیوں سے جنسی زیادتی میں ملوث 24 درندہ صفت افراد کو مجموعی طور پر 346 سال قید کی سزا سنا دی گئی ہے.
لیڈز کراؤن کورٹ نے جنسی زیادتی میں ملوث ملزمان کو سزاسنائی، جنسی زیادتیوں، بدسلوکی اور اسمگلنگ کے واقعات انگلینڈ کے علاقے ویسٹ یارکشائر میں 1999 سے 2012 کے دوران پیش آئے تھے.
برطانوی میڈیا کے مطابق ملزمان کی شناخت ظاہر کرنے پر عائد پابندی اب اٹھا دی گئی ہے.
جن افراد کو سزا سنائی گئی ہے ان میں سرفراز ریاض کو 15برس، ظفر اقبال کو 17 برس، ناصر اقبال کو 10 برس، توصیف حنیف کو ساڑھے 9 برس، علی شاہ کو 10 برس، محسن نادات کو ساڑھے 7 برس قید کی سزا سنائی گئی ہے.
اس کے علاوہ محمد چھوٹیا کو 17 برس، بلال کو 13 برس،آصف کو 24 برس، سرفراز کو ساڑھے 4 برس،محمد ناظم کو ساڑھے 7 برس عامر کو 8 برس، خرم رزاق کو 22 برس، ناصر کو 18 برس، ظفر قیوم کو 30 برس، مائیکل برنک شاہ کو 8 برس اور عمران مہربان کو 13 برس قید کی سزا سنائی گئی.
برطانیہ میں گرل فرینڈ کو خنجر گھونپنے والے بھارتی طالب علم کو 16 سال قید .
اسی طرح سارا کوتیاسین کو 15 برس، قیوم کو 20 برس، جبار قیوم کو 13 برس، محمد عمران کو 15 سال قید کی سزا سنائی گئی ہے.
