نریندرمودی کے مقبوضہ جموں و کشمیر دورے کیخلاف آج وادی میں مکمل ہڑتال کا اعلان
اردو انٹرنیشنل ( مانیٹرنگ ڈیسک ) تفصیلات کے مطابق بھارتی وزیراعظم نریندر مودی کے مقبوضہ جموں و کشمیر کے دورے کے خلاف آج وادی بھر میں مکمل ہڑتال ہے، جس کی وجہ سے سری نگر کے تمام علاقوں میں کاروبار بند ہے۔
سرینگر اور ملحقہ علاقوں میں بھارتی فوج کی اضافی نفری بھی تعینات کی گئی ہے جبکہ بھارتی فوج اور پولیس نے مختلف مقامات میں کارروائیاں کرتے ہوئے 700 سے زائد کشمیریوں کو بھی گرفتار کر لیا ہے ۔
ہڑتال کی کال کل جماعتی حریت کانفرنس نے دی ہے اور تمام حریت رہنمائوں اور تنظیموں نے اس کی حمایت کی ہے۔
ہڑتال کا مقصد علاقے پر بھارت کے غیر قانونی تسلط اورہندوتوا ایجنڈے کے نفاذ کے خلاف احتجاج کرنا اور تنازعہ کشمیر کے حل کے مطالبے پر زوردینا ہے۔
