لاہور ہائیکورٹ بار ایسوسی ایشن کے سالانہ انتخابات کیلئے پولنگ جاری ہے
اردو انٹرنیشنل(مانیٹرنگ ڈیسک) تفصیلات کے مطابق لاہور ہائیکورٹ بار ایسوسی ایشن میں سالانہ انتخابات کے لیے پولنگ کا عمل شروع ہوگیا جس میں چار مختلف نشستوں پر 14 امیدوار حصہ لے رہے ہیں۔
پولنگ کا وقت صبح 9 بجے سے شروع ہوا ہے جو کہ بلا تعطل شام 5 بجے تک جاری رہے گا۔
سالانہ انتخابات میں لاہور ہائیکورٹ کے 29 ہزار 216 وکلاء اپنا حق رائے دہی استعمال کریں گے۔
سیکرٹری اور فنانس سیکرٹری کے عہدے کے لیے تین, تین امیدواروں کے درمیان مقابلہ ہوگا جبکہ صدر کے عہدے کے لیے آزاد احسن بھون گروپ کے ثاقب اکرم گوندل اور حامد خان پروفیشنل گروپ کے اسد منظور بٹ کے درمیان کانٹے دار مقابلہ ہوگا۔
اس کے علاہ نائب صدر کے عہدے کے لیے 6 امیدوار ہیں جن میں حسیب بن یوسف، عبدالرحمن رانجھا، ملک فدا حسین، مظہر عباس سیال، میاں سردار علی گہلان اور میاں وحید شامل ہیں۔
