بلاول بھٹو آج پشاور میں سیاسی طاقت کا مظاہرہ کریں گے
اردو انٹرنیشنل (مانیٹرنگ ڈیسک) پاکستان پیپلز پارٹی آج پشاور حیات آباد میں سیاسی طاقت کا مظاہرہ کرے گی اور چیئرمین پیپلز پارٹی بلاول بھٹو زرداری جلسے عام سے خطاب کریں گے.
پاکستان پیپلزپارٹی پشاور میں انتخابی مہم کے سلسلے میں اپنی طاقت کا مظاہرہ کرےگی اس حوالے سے حیات آباد ،اتوار بازار میں جلسے کا انعقاد کیا گیا ہے جلسہ سے بلاول بھٹو زرداری خطاب کرینگے.
جلسےکی تیاریاں مکمل کرلی گئیں ہیں پنڈال بھی سج گیا انتظامیہ کے مطابق جلسہ کے لیئے 8 ہزار کرسیاں لگائی گئی ہے جلسہ گاہ کےاطراف سیکیورٹی کےسخت انتظامات کئے گئے ہیں.
جلسہ میں صوبے کے مختلف علاقوں سے کارکنان اور عوام شرکت کرینگے جبکہ بلاول بھٹو زرداری سمیت مرکزی و صوبائی قیادت جلسے سے خطاب کرینگے.
پیپلز پارٹی کی رہنماء عاصمہ عالمگیر کا کہنا ہے کہ یہ جلسہ ماضی کے تمام جلسوں کا ریکارڈ توڑے گا پیپلزپارٹی ہمیشہ کی طرح گراؤنڈ میں مقابلہ کرنے کوتیار ہے۔
