وفاقی ٹیکس محتسب میں 8128 شکایات حل، 17 ارب سے زائد کا ریلیف دیا گیا
اردو انٹرنیشنل (مانیٹرنگ ڈیسک) صدر ڈاکٹر عارف علوی کا وفاقی ٹیکس محتسب کا دورہ ، انتظامیہ کی جانب سے کارکردگی پر بریفنگ دی گئی، ڈاکٹر آصف محمود جاہ نے صدر مملکت کو محتسب کی مجموعی کارکردگی کے بارے میں بتایا.
بریفنگ میں بتایا کہ ٹیکس محتسب نے 2023ء میں ٹیکس /کسٹم حکام کی بدانتظامی کے خلاف 8,128 شکایات کا ازالہ کیا ،وفاقی ٹیکس محتسب نے سال 2022 ء میں 6,106 شکایات کا ازالہ کیا .
بریفنگ میں بتایا کہ ٹیکس محتسب کے پاس 2023ء میں شکایات کے اندراج میں 24 فیصد اضافہ ہوا، ٹیکس محتسب کے پاس 2023ء میں شکایات 6480 سے بڑھ کر 8076 ہو گئیں.
بریفنگ میں بتایا کہ محتسب نے 2023 ء میں ٹیکس دہندگان کو 17.74 ارب روپے کا ریلیف فراہم کیا ،ٹیکس محتسب 60 دنوں میں ٹیکس حکام کی بدانتظامی کے خلاف مفت انصاف کرتا ہے .
بریفنگ میں بتایا کہ ٹیکس محتسب نے 2023 ء میں شکایات کا اوسطاً 44 دن میں ازالہ کیا ، وفاقی ٹیکس محتسب ایک عوام کو ریلیف فراہم کرنے والا ادارہ ہے .
بریفنگ میں بتایا کہ محتسب کے فیصلوں سے تنخواہ دار ملازمین ، پنشنرز اور گاڑیوں کے خریداروں کو ٹیکس ریلیف ملا،وفاقی ٹیکس محتسب ملک کے مختلف شہروں میں نئے علاقائی دفاتر کھول رہا ہے .
بریفنگ میں بتایا کہ محتسب اپنی ہیلپ لائن ، سیمینارز سے آگاہی پھیلا کر رسائی بڑھا رہا ہے، ٹیکس محتسب نے سوشل میڈیا ، موبائل کمپنیوں کی مدد سے عوامی آگاہی پیدا کی ہے.
صدر مملکت عارف علوی نے کہا کہ محتسب ٹیکس دہندگان تک رسائی ، شکایات کا اندراج بڑھانے کیلئے کوششیں مزید تیز کرے .
صدر مملکت نے کہا کہ فیصلوں پر بروقت عمل درآمد کیلئے ٹیکس محتسب اور ایف بی آر کے درمیان تعاون بڑھانا ہوگا.
عارف علوی نے کہا کہ وفاقی ٹیکس محتسب ٹیکس نظام میں بہتری لانے کے لیے کام کررہا ہے.
صدر نے کہا کہ ٹیکس اور محصولات بڑھانے کیلئے پاکستان میں بہتر ٹیکس نظام ناگزیر ہے .
عارف علوی نے کہا کہ محصولات میں اضافے سے معیشت بہتر ہوگی ، قرضوں پر انحصار کم ہوگا.
صدر مملکت نے 17.74 ارب کے ریلیف ، 8,128 شکایات کا ازالہ کرنے پر محتسب کوسراہا
صدر مملکت کا شکایت کنندگان بالخصوص بیرون ملک مقیم پاکستانیوں کو بروقت ریلیف فراہم کرنے کی ضرورت پر بھی زور دیا.
