ورلڈ چیمپئن شپ آف لیجنڈ 2024: پاکستان نے آسٹریلیا کو 5 وکٹوں سےہرا دیا

ورلڈ چیمپئن شپ آف لیجنڈ 2024: پاکستان نے آسٹریلیا کو 5 وکٹوں سےہرا دیا

اردو انٹرنیشنل (اسپورٹس ڈیسک) تفصیلات کے مطابق برمنگھم کے ایجبسٹن کرکٹ اسٹیڈیم میں ورلڈ آف چیمپئنز 2024 کے دوسرے میچ میں پاکستان چیمپئنز نے آسٹریلیا کو 5 وکٹوں سے شکست دے دی۔

پاکستان کی جانب سے یونس خان اور مصباح الحق نے شاندار کارکردگی کا مظاہرہ کرتے ہوئے پانچویں وکٹ کے لیے 90 رنز جوڑے مین ان گرین نے آخری اوور میں ٹوٹل کا تعاقب کیا۔

رنز کے تعاقب میں پاکستان کا آغاز بہترین نہیں تھا، شرجیل خان (17) اور کامران اکمل (4) جلد ہی پویلین لوٹ گئے.

صہیب مقصود اور شعیب ملک نے آؤٹ ہونے سے قبل جارحانہ اننگز کھیل کر ٹیم کو مستحکم کیا۔

یونس 41 گیندوں پر 63 رنز بنانے کے بعد آؤٹ ہوئے جبکہ مصباح 30 گیندوں پر 46 رنز بنا کر ناٹ آؤٹ رہے شاہد آفریدی نے 5 گیندوں پر 11 رنز بنائے۔

آسٹریلیا کی جانب سے بریٹ لی اور نیتھن کولٹر نائل نے 2 وکٹیں حاصل کیں۔

اس سے قبل آسٹریلیا چیمپیئنز نے پہلے بیٹنگ کرتے ہوئے 189-7 کا مجموعی اسکور کیا شان مارش نے ایرون فنچ کے ساتھ اننگز کا آغاز کیا .

دوسری جانب فنچ نے 170.00 کے شاندار اسٹرائیک ریٹ سے 40 گیندوں پر 68 رنز کی شاندار اننگز کھیلی، جس میں 9 چوکے اور 3 چھکے شامل تھے ان کی جارحانہ بلے بازی نے ٹیم کی مضبوط بنیاد رکھی۔

بین ڈنک نے بھی اہم کردار ادا کیا، انہوں نے 18 گیندوں پر 4 چوکوں اور 1 چھکے کی مدد سے 27 رنز بنائے۔

دریں اثنا، کیلم فرگوسن نے اننگز کے اختتام تک اہم کردار ادا کیا، 16 گیندوں پر 26 رنز کے ساتھ ناٹ آؤٹ رہے، انہوں نے 2 چوکے اور 1 چھکا لگایا نیتھن کولٹر نائل نے بھی ایک تیزاننگز کھیلتے ہوئے 10 گیندوں پر 25 رنز بنائے جس میں 2 چوکے اور 2 ہی چھکے شامل تھے۔

ملک اور آفریدی نے 2 وکٹیں حاصل کیں.

یاد رہے کہ مقابلے کے پہلے میچ میں انڈیا چیمپیئنز نے انگلینڈ چیمپیئنز کو 3 وکٹوں سے شکست دی تھی۔