Photo credit:Pakistan Football Federation
اردو انٹرنیشنل اسپورٹس ویب ڈیسک تفصیلات کے مطابق نیشنل ویمنز فٹبال کلب چیمپئن شپ 2024 کے پہلے روز چار شہروں میں پانچ میچ کھیلے گئے ، جہاں فٹ بال کی تاریخ کے کچھ انوکھے اورغیر معمولی واقعات رونما ہوئے ۔ ان میچز کے نتائج کو مضحکہ خیز اور غیر حقیقی کہنا بالکل بھی غلط نہ ہوگا .لاہور میں منعقدہ پہلے میچ میں، ٹی ڈبلیو کے نے ینگ رائزنگ اسٹارز کے خلاف شاندار کارکردگی کا مظاہرہ کرتے ہوئے 21-0 بڑے مارجن سے فتح حاصل کی۔
اسلام آباد میں کھیلے جانے والے دوسرے میچ میں لیگیسی ویمنز فٹبال کلب نے اسمرفس ڈبلیو ایف سی کو 9-0 سے شکست دی۔
کراچی میں کھیلے جانے والے تیسرے میچ میں کراچی سٹی ڈبلیو ایف سی نے جہانگیر میموریل ڈبلیو ایف سی کو 44-0 کے غیر معمولی سکور سے شکست دے کر تاریخی فتح حاصل کی۔
چوتھے میچ میں کراچی یونائیٹڈ ڈبلیو ایف سی نے ینگ مسلم ڈبلیو ایف سی کے خلاف 9-0 سے فیصلہ کن فتح حاصل کی۔ کوئٹہ میں منعقدہ دن کے آخری میچ میں ہزارہ کوئٹہ ویمن ایف سی نے اپنی مہارت کا مظاہرہ کرتے ہوئے بلوچستان ڈبلیو ایف سی کو 8-0 سے شکست دے دی۔
