ویمن ٹی ٹوئنٹی ورلڈ کپ:نیوزی لینڈ نے بھارت کو 58 رنز سےہرا دیا
اردوانٹرنیشنل(اسپورٹس ڈیسک) تفصیلات کے مطابق سوفی ڈیوائن نے تیز رفتار 57 رنز کی اننگز کھیلی، جب کہ روزمیری مائر نے 4 وکٹ لے کر نیوزی لینڈ کو آئی سی سی ویمن ٹی ٹوئنٹی ورلڈ کپ 2024 کے چوتھے میچ میں جمعہ کو بھارت کے خلاف 58 رنز کی زبردست فتح دلائی۔
ہندوستان کے بلے باز تعاقب (161) کا آغاز کرتے ہوئے، پویلین لوٹتے رہے جن میں تجربہ کار اسمرتی مندھانا اور کپتان ہرمن پریت کور شامل تھیں۔
کور، 12 گیندوں پر 15 رنز کے ساتھ ہندوستان کے لیے سب سے زیادہ رنز بنانے والی کھلاڑی بھی رہیں۔
دلچسپ بات یہ ہے کہ 19 اوورز میں کوئی بھی ہندوستانی بلے باز چھکا نہیں لگا سکا۔
کیویز کی جانب سے روز میری نے 4 وکٹ حاصل کیں جبکہ امیلیا کیر، ایک کھلاڑی کو آوٹ کرنے میں کامیاب ہوئی.
نیوزی لینڈ نے ٹاس جیت کر پہلے بیٹنگ کرنے کا فیصلہ کیا اور سوزی بیٹس اور جارجیا پلمر کے درمیان 7.4 اوور میں 67 رنز کے ابتدائی اسٹینڈ کی بدولت شاندار شروع شروعات کی.
بیٹس 24 گیندوں پر 27 رنز بنانے کے بعد اروندھتی ریڈی کا شکار ہو گئ، جبکہ پلمر نے 23 گیندوں پر تیز رفتار 34 رنز بنائے، جس میں 3 چوکے اور ایک چھکا لگایا، اس سے پہلے کہ آشا سوبھانہ نے انہیں آؤٹ کیا۔
اس کے بعد امیلیا کیر نے کپتان سوفی ڈیوائن کے ساتھ تیسری وکٹ کے لیے 33 رنز کی شراکت کے دوران 22 گیندوں پر 13 رنز کی شاندار اننگز کھیلی۔
ڈیوائن نے اپنا تسلط برقرار رکھا اور نیوزی لینڈ کو اپنے مقررہ 20 اوورز میں 160-4 کا بڑا مجموعی اسکور بنانے میں مدد کی انہوں نے 26 گیندوں پر 7 چوکوں کی مدد سے ناقابل شکست 57 رنز بنائے۔
ہندوستان کے لیے رینوکا سنگھ نے 2 وکٹ حاصل کیں جبکہ اروندھتی ریڈی اور آشا سوبھانہ ایک کھلاڑی کو آوٹ کرنے میں کامیاب ہوئی.
