Olympian Rebecca Cheptagi was allegedly set on fire by her boyfriend.
اردو انٹرنیشنل اسپورٹس ویب ڈیسک تفصیلات کے مطابق یوگنڈا سے تعلق رکھنے والی ایتھلیٹ ریبیکا چیپٹگی کو ان کے سابق بوائے فرینڈ نے پیٹرول چھڑک کر آگ لگا دی۔
میڈیا رپورٹس کے مطابق 33 سالہ ریبیکا نے پیرس اولمپکس میں یوگنڈا کی نمائندگی کی تھی اور میراتھن میں 44 ویں پوزیشن حاصل کی تھی۔
رپورٹ میں بتایا گیا ہے ایتھیلیٹ ریبیکا کو مبینہ طور پر سابق فرینڈ نے پیٹرول چھڑک کر جلادیا جس کے بعد پڑوسیوں کی مدد سے ریبیکا کو کینیا کے اسپتال منتقل کیا گیا۔
ڈاکٹرز کے مطابق حادثے میں ریبیکا کے جسم کا 75% حصہ جھلس گیا اور ان کی حالت تشویشناک ہے۔
پولیس کا بتانا ہے کہ ریبیکا پر کینیا میں موجود ان کے گھر پر اس وقت حملہ کیا گیا جب وہ ٹریننگ کررہی تھیں، حملے سے خاتون زخمی ہوئیں اور حملہ آور بھی جھلس گیا۔
پولیس میں درج رپورٹ کے مطابق ریبیکا اور ان کے سابق بوائے فرینڈ کے درمیان زمین پر جھگڑا چل رہا تھا تاہم پولیس اس حوالے سے مزید تفتیش کررہی ہے جب کہ ریبیکا کے والد نے بھی بیٹی کیلئے انصاف کا مطالبہ کیا ہے۔
واضح رہےکینیا میں خواتین کھلاڑیوں کے خلاف تشدد کےواقعات بڑھتے جارہے ہیں جس وجہ سے اور کئی خواتین جان کی بازی ہار چکی ہیں۔
