بھارت کے غیر قانونی اقدامات سے کشمیریوں کی جدوجہد آزادی متزلزل نہیں ہو گی: نگران وزیراعظم
نگران وزیراعظم آج اپنے دو روزہ سرکاری دورے پر آزاد جموں و کشمیر ،مظفرآباد پہنچے ہیں ،جہاں مظفرآباد پہنچنے پر وزیر اعظم آزاد کشمیر نے استقبال کیا .اس موقع پر پولیس کے دستے نے وزیرا عظم کو سلامی پیش کی .
وزیر اعظم انوار الحق کاکڑ سے آزاد جموں و کشمیر کے وزیر اعظم چوہدری انوار الحق اور آزاد جموں و کشمیر قانون ساز اسمبلی کے اسپیکر چوہدری لطیف اکبر نے آزاد جموں و کشمیر قانون ساز اسمبلی کے اسپیکر چیمبر میں ملاقات کی.
وزیراعظم آزاد جموں و کشمیر نےملاقات میں وزیراعظم انوار الحق کاکڑ کو آزاد جموں و کشمیر آمد پر خوش آمدید کہا.
وزیراعظم آزاد جموں و کشمیر اور اسپیکر آزاد جموں و کشمیر قانون ساز اسمبلی نے بھارتی سپریم کورٹ کے فیصلے کے بعد جموں و کشمیر کے عوام کے ساتھ اظہار یکجہتی پر وزیراعظم کاکڑ کا شکریہ ادا کیا.
وزیراعظم انوار الحق کاکڑ نے اپنے پیغام میں کہا کہ پاکستانیوں کے دل اپنے کشمیری بہنوں اور بھائیوں کے ساتھ دھڑکتے ہیں .
وزیراعظم انوار الحق کاکڑ نے کہا کہ بھارت کے غیر قانونی اقدامات سے کشمیریوں کی جدوجہد آزادی متزلزل نہیں ہو گی بلکہ اور مضبوط ہو گی.
