انگلینڈ کے آل راؤنڈر نے ٹی ٹوئنٹی رینکنگ میں ٹاپ پوزیشن حاصل کر لی
اردوانٹرنیشنل(اسپورٹس ڈیسک) تفصیلات کے مطابق انگلینڈ کے آل راؤنڈر لیام لیونگسٹون آسٹریلیا کے خلاف شاندار کارکردگی کے بعد انٹرنیشنل کرکٹ کونسل (آئی سی سی) کی مینز ٹی ٹوئنٹی رینکنگ میں سرفہرست ہیں۔
لیام لیونگسٹون سات درجے چھلانگ لگا کر آسٹریلیا کے مارکس سٹوئنس کی جگہ ٹی ٹوئنٹی رینکنگ میں نمبر1 آل راؤنڈر بن گئے۔
انہوں نے آسٹریلیا کے خلاف دوسرے ٹی ٹوئنٹی میں پلیئر آف دی میچ کا ایوارڈ جیتنے کے لیے 2 وکٹ کے ساتھ 47 گیندوں پر 87 رنز بنائے اس دوران پہلے میچ میں انہوں نے3 وکٹ حاصل کیں اور 27 گیندوں پر 37 رنز بنائے۔
نتیجتاً، لیام لیونگسٹون نے 253 پوائنٹس کی کیریئر کی بہترین درجہ بندی حاصل کی، جو دوسرے نمبر پر آنے والے اسٹوئنس (211) سے 43 پوائنٹس زیادہ ہے۔
زمبابوے کے سکندر رضا (208) اور بنگلہ دیش کے شکیب الحسن (206) ایک ایک مقام تنزلی کے بعد بالترتیب تیسرے اور چوتھے نمبر پر ہیں۔
دریں اثنا، آسٹریلیا کے ٹریوس ہیڈ نے انگلینڈ کے خلاف 14 گیندوں پر 31 اور 23گیندوں پر 59رنز کی دھماکہ خیز کارکردگی کی بدولت ٹی ٹوئنٹی بیٹنگ رینکنگ میں اپنی برتری کو بڑھا دیا۔
ان کے ساتھی جوش انگلس نے نمایاں ترقی کی کیونکہ وہ اسی سیریز میں 37 (27) اور 42 (26) اسکور کرنے کے بعد ٹاپ ٹین رینکنگ میں پہنچ گئے۔
