اردو انٹرنیشنل (اسپورٹس ویب ڈیسک) تفصیلات کے مطابق عالمی نمبر ون ٹینس سٹار یانک سنر نے مینز کیٹگری کے سنگلز فائنل میں الیگزینڈر زیویریف کو شکست دیکر آسٹریلین اوپن کا ٹائٹل دوسری بار اپنے نام کر لیا۔
سنر کی آسٹریلین اوپن میں یہ مسلسل دوسری کامیابی ہے اور وہ 2006 میں رافیل نڈال کے بعد اپنے پہلے گرینڈ سلیم ٹائٹل کا کامیابی سے دفاع کرنے والے پہلے شخص بن گئے ہیں۔
ٹینس سٹار یانک سنر کو ابھی تک میچ میں بریک پوائنٹ کا سامنا نہیں کرنا پڑا، وہ اپنے آخری 37 میچوں میں سے 36 میچ جیت چکے ہیں، ان کی اس کامیابی میں ہارڈ کورٹ میجرز میں 21 میچوں کی جیت کا سلسلہ بھی شامل ہے۔
تیئس سالہ سنر نے اس شاندار فتح کے ساتھ ایک اہم سنگ میل بھی عبور کرلیا ہے، وہ 2024 کے آسٹریلین اوپن اور یو ایس اوپن میں کامیابی کے بعد 3 گرینڈ سلیم ٹائٹلز جیتنے والے پہلے اطالوی کھلاڑی بن گئے ہیں۔
آسٹریلین اوپن میں فتح کے بعد سنر ٹینس کے میدان کے بے تاج بادشاہ بن چکے ہیں، اس وقت ان کے پاس ٹینس کے 19 میں سے 17 بین الاقوامی ٹائٹلز ہیں۔
