The best team of the T20 World Cup has been revealed, including Pakistan's Sahibzada Farhan-ICC
انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ کے پلئیر آف دی ٹورنامنٹ کے لیے نامزد کھلاڑیوں کی فہرست جاری کر دی ہے، جس میں پاکستان کے صاحبزادہ فرحان بھی شامل ہیں۔
صاحبزادہ فرحان نے ایونٹ میں شاندار کارکردگی کا مظاہرہ کرتے ہوئے 7 میچز میں 76.60 کی اوسط اور 160.25 کے اسٹرائیک ریٹ کے ساتھ 383 رنز اسکور کیے انہوں نے صرف 6 اننگز میں 383 رنز بنا کر ٹی ٹوئنٹی ورلڈ کپ کے ایک ایڈیشن میں سب سے زیادہ رنز بنانے کا ریکارڈ بھی قائم کیا۔
پاکستانی بیٹر نے سری لنکا اور نمیبیا کے خلاف سنچریاں بھی اسکور کیں اور وہ ٹی ٹوئنٹی ورلڈ کپ کے ایک ہی ایڈیشن میں دو سنچریاں بنانے والے واحد بیٹر بن گئے۔
آئی سی سی کی جانب سے بھارت کے سنجو سیمسن بھی پلئیر آف دی ٹورنامنٹ کے لیے شارٹ لسٹ کیے گئے ہیں اس کے علاوہ انگلینڈ کے ول جیکس، جنوبی افریقا کے لونگی نگیڈی اور ایڈن مارکرم بھی نامزد کھلاڑیوں میں شامل ہیں۔
دیگر نامزدگیوں میں نیوزی لینڈ کے راچن رویندرا اور ٹم سیفرٹ جبکہ امریکا کے شاڈلے فن سکولویک بھی شامل ہیں۔
