ٹی 20 ورلڈ کپ: پاکستان اب بھی کیسے سیمی فائنل میں جاسکتا ہے؟

 انگلینڈ کے ہاتھوں شکست کے بعد پاکستان  کی سیمی فائنل تک رسائی خطرے میں پڑ گئی ہے منگل کو   کھیلے گئے ٹی ٹوئنٹی ورلڈ کپ کے اہم میچ میں انگلینڈ نے پاکستان کو 2 وکٹوں سے شکست دے کر سیمی فائنل کے لیے کوالیفائی کرلیا اور گروپ 2 میں پہلی پوزیشن مستحکم کرلی۔

گروپ 2 کی موجودہ صورتحال کے مطابق انگلینڈ اپنے دونوں میچز جیت کر 4 پوائنٹس کے ساتھ سرفہرست ہے، جبکہ پاکستان اور نیوزی لینڈ کے ایک، ایک پوائنٹ ہیں۔ سری لنکا  اب تک کوئی کامیابی حاصل نہیں کرسکی نیوزی لینڈ اور سری لنکا کو دو، دو میچز کھیلنا باقی ہیں جبکہ پاکستان کا صرف ایک میچ رہ گیا ہے۔

پاکستان کی سیمی فائنل میں رسائی اب دیگر ٹیموں کے نتائج سے مشروط ہوچکی ہے گرین شرٹس کے لیے لازمی ہے کہ وہ اپنے آخری میچ میں سری لنکا کو شکست دیں اس کے ساتھ ساتھ ضروری ہوگا کہ انگلینڈ اپنے آخری میچ میں نیوزی لینڈ کو ہرا دے اور سری لنکا بھی نیوزی لینڈ کو شکست دے۔

اگر یہ نتائج پاکستان کے حق میں آتے ہیں تو قومی ٹیم 3 پوائنٹس کے ساتھ سیمی فائنل میں جگہ بنا سکتی ہے، جبکہ نیوزی لینڈ صفر اور سری لنکا 2 پوائنٹس پر رہ جائیں گے تاہم اگر انگلینڈ نیوزی لینڈ کو شکست دے دے لیکن نیوزی لینڈ سری لنکا کو ہرا دے تو ایسی صورت میں پاکستان اور نیوزی لینڈ کے 3، 3 پوائنٹس ہوجائیں گے اور سیمی فائنل کا فیصلہ رن ریٹ کی بنیاد پر ہوگا۔

یوں پاکستان کی سیمی فائنل تک رسائی نہ صرف اپنی کارکردگی بلکہ دیگر میچوں کے نتائج پر بھی منحصر ہوچکی ہے۔