T20 World Cup: Afghanistan easily beat Uganda by 125 runs
اردو انٹرنیشنل (اسپورٹس ڈیسک) تفصیلات کے مطابق فضل الحق فاروقی نے 5-9 کے ساتھ اپنے کیریئر کے بہترین اعداد و شمار حاصل کیے جب افغانستان نے جاری ٹی ٹوئنٹی ورلڈ کپ 2024 میں یوگنڈا کو 125 رنز سے شکست دی۔
گیانا کے پروویڈنس اسٹیڈیم میں یوگنڈا کی ٹیم 184 رنز کے تعاقب میں 16 اوورز میں صرف 58 رنز بنا کر آؤٹ ہو گئی۔
فاروقی نے اننگز کے پہلے ہی اوور میں دو وکٹیں حاصل کیں جس نے رنز کے تعاقب کے دوران یوگنڈا کومشکل میں ڈال دیا وکٹوں کے ابتدائی نقصان کے بعد یوگنڈا سنبھلنے میں کامیاب نہیں ہوسکا اور کم ٹوٹل پر ڈھیر ہوگیا۔
نوین الحق اور راشد خان نے بھی دو وکٹیں حاصل کیں۔
افسوسناک بلے بازی کا مظاہرہ کرتے ہوئے یوگنڈا کے لیے رابنسن اوبیا 25 گیندوں میں 14 رنز بنا کر ٹاپ اسکورر رہے۔
ورلڈ کپ کے پانچویں میچ میں یوگنڈا نے افغانستان کے خلاف ٹاس جیت کر پہلے باولنگ کا فیصلہ کیا تھا۔
افغانستان نے پہلے بیٹنگ کرتے ہوئے 20 اوورز میں 5 وکٹوں کے نقصان پر 183 رنز بنائے۔
افغانستان کے اوپنرز نے پہلی وکٹ کے لیے 154 رنز کی شراکت کے ساتھ اپنی ٹیم کو مضبوط آغاز فراہم کیا رحمان اللہ گرباز نے 45 گیندوں پر 76 رنز بنائے جبکہ ابراہیم زدران نے 46 گیندوں پر 70 رنز بنائے۔
گرباز اور زدران کا 154 کا ابتدائی اسٹینڈ ٹی ٹوئنٹی ورلڈ کپ کی تاریخ میں دوسرا سب سے زیادہ تھا جو 2022 کے ورلڈ کپ میں انگلینڈ کے جوس بٹلر اور ایلکس ہیلز کے درمیان 170 رنز کی شراکت کے بعد دوسرے نمبر پر تھا۔
تاہم، مضبوط آغاز کے بعد افغان نے صرف 15 رنز پر 4 تیز وکٹیں گنوا دیں جس سے یوگنڈا کو رنز کے بہاؤ کو روکنے میں مدد ملی۔
یوگنڈا کے کپتان برین مسابا نے 4 اوورز میں 2-21 کے متاثر کن اعداد و شمار کے ساتھ ٹیم کو مدد فراہم کی کوسمس نے بھی 2-25 کے اعداد و شمارحاصل کیے۔
آخری پانچ اوورز میں افغانستان 5.40 کے رن ریٹ سے چار وکٹوں کے نقصان پر صرف 27 رنز ہی بنا سکے۔
