ٹی ٹوئنٹی ورلڈ کپ 2024:پاکستان کی مجموعی طور پر ایک اچھی ٹیم ہے، روہت شرما

اردو انٹرنیشنل (اسپورٹس ڈیسک) تفصیلات کے مطابق بھارتی کرکٹ ٹیم کے کپتان روہت شرما کا کہنا ہے کہ وہ سمجھتے ہیں پاکستان کی ٹیم بہت اچھی ہے اور پاکستان کے پاس بڑے مضبوط نوجوان فاسٹ بولر ہیں۔

انہوں نے کہا کہ مجھے نہیں پتا پاک بھارت کرکٹ کا اسٹیٹس کیا ہے میں بس اتنا کہوں گا کہ مجھے کرکٹ کھیلنی ہے کیونکہ میں کرکٹر ہوں۔

روہت نے پاکستان کرکٹ ٹیم سے متعلق بات کرتے ہوئے کہا کہ پاکستان کے نوجوان فاسٹ بولر بڑے مضبوط ہیں پاکستان کی بیٹنگ بھی بہت اچھی ہے میں سمجھتا ہوں مجموعی طور پر ایک اچھی ٹیم ہے۔

کپتان کا کہنا تھا کہ پاکستان اور بھارت کے درمیان میچ مختلف ہوتا ہے لوگ بہت پسند کرتے ہیں لوگ دونوں ٹیموں کو کھیلتے ہوئے دیکھنا چاہتے ہیں مجھے پاکستانی فینز کے پیغامات ملتے ہیں جو مجھے اچھے لگتے ہیں یہ فینز کرکٹ سے بہت محبت کرتے ہیں۔