Friday, June 21, 2024
تازہ ترینسپریم جوڈیشل کونسل کی کارروائی روکنے کی درخواست مسترد کرنے کا تحریری...

سپریم جوڈیشل کونسل کی کارروائی روکنے کی درخواست مسترد کرنے کا تحریری حکم نامہ جاری

سپریم جوڈیشل کونسل کی کارروائی روکنے کی درخواست مسترد کرنے کا تحریری حکم نامہ جاری

اردو انٹرنیشنل (مانیٹرنگ ڈیسک) سپریم جوڈیشل کونسل کارروائی کے خلاف جسٹس (ریٹائرڈ) مظاہر نقوی کی درخواست پر سماعت کا تحریری حکم نامہ جاری کردیا گیا۔

ذرائع کے مطابق تحریری حکم نامے میں کہا گیا ہے کہ سپریم جوڈیشل کونسل کی کارروائی روکنے کی استدعا اس مرحلے پر قابل قبول نہیں ہے۔

تحریری حکم نامے میں واضح کیا گیا کہ عدالت نے صرف شکایت کنندگان کو فریق بنانے کے نکتے پر دلائل سنے، مؤقف سنے بغیر کسی کے خلاف کوئی حکم جاری نہیں کیا جا سکتا۔

حکم نامے کے مطابق جسٹس (ر) مظاہر نقوی کی آئینی درخواست میں شکایات کو سیاسی اور بدنیتی قرار دینے کی استدعا کی گئی، دوسرے فریق کو سنے بغیر شکایت کو بدنیتی پر مبنی قرار نہیں دیا جا سکتا۔

تحریری حکم نامے میں مزید کہا گیا کہ گزشتہ سماعت پر بینچ کی تشکیل پر اعتراض کیا گیا جسے آج واپس لے لیا گیا، درخواست ضروری ترامیم کے بعد دوبارہ دائر ہونے پر سماعت کے لیے مقرر کی جائے۔

واضح رہے کہ 9 جنوری کو ہونے والی سماعت میں سپریم کورٹ آف پاکستان نے جسٹس (ر) مظاہر نقوی کی سپریم جوڈیشل کونسل کی کارروائی روکنے کی درخواست مسترد کر دی تھی۔

دیگر خبریں

Trending

کروز شپ نےاسپین جانے والے 68 تارکین وطن کو بچا لیا

0
کروز شپ نےاسپین جانے والے 68 تارکین وطن کو بچا لیا اردو انٹرنیشنل (مانیٹرنگ ڈیسک) اسپین کے شہر کینری جانے والے 68 تارکین وطن...