’جنگ بند اور قبضہ ختم کرو‘، اسرائیلی رکن پارلیمنٹ فلسطینیوں کے حق میں بول پڑے
اردو انٹرنیشنل (مانیٹرنگ ڈیسک) اسرائیل پارلیمنٹ کے رکن عفرکاسف نے نیتن یاہو حکومت سے غزہ اور مغربی کنارے میں جنگ بند کرکے اسرائیلی قبضہ ختم کرنے کا مطالبہ کردیا۔
عفرکاسف نے سوشل میڈیا سائٹ ایکس (ٹوئٹر) پر لکھا کہ جنگ بندکرو اورقبضہ ختم کرو کیونکہ مغربی کنارے پر حملے کا اسرائیلی سلامتی سے کوئی تعلق نہیں۔
The assault by the occupation forces on the West Bank has nothing to do with the security of Israel. It is just another layer in the total war that the Israeli government has been waging against the entire Palestinian people to annex their land and expel them from their… pic.twitter.com/npbU3WtUxB
— Ofer Cassif עופר כסיף عوفر كسيف (@ofercass) August 28, 2024
عفر کاسف کا کہنا تھا کہ اسرائیلی حکومت فلسطینیوں کو اپنے وطن سے بے دخل کرنے کے درپے ہے اور مغربی کنارے پر حملہ فلسطین کے مزید علاقوں پر قبضہ کرنے کے لیے ہے۔
واضح رہے کہ عفر کاسف کا تعلق اسرائیل کی بائیں بازو کی عرب نژاد اکثریت رکھنے والی جماعت سے ہے اور وہ اکثر فلسطین کے حق میں آواز اٹھاتے ہیں۔
عفر کاسف نے اسرائیل کی فلسطینیوں کی نسل کشی کے خلاف جنوبی افریقا کی جانب سے جرائم کی عالمی عدالت میں اسرائیل کے خلاف مقدمے کی پٹیشن پر بھی دستخط کیے تھے۔
