Shaheen Afridi's fitness ahead of Champions ODI Cup eliminator subject to medical clearance-PCB
چیمپئنز ون ڈے کپ ایلیمینیٹر سے قبل شاہین آفریدی کی فٹنس میڈیکل کلیئرنس پر مشروط
اردوانٹرنیشنل(اسپورٹس ڈیسک) تفصیلات کے مطابق چیمپئنز ون ڈے کپ میں لائنز کی قیادت کرنے والے فاسٹ باولر شاہین آفریدی مبینہ طور پر ڈولفنز کے خلاف میچ کے دوران انجری کا شکار ہونے کے بعد صحت یاب ہو رہے ہیں۔
فہیم اشرف کی ایک ڈلیوری ان کے بائیں گھٹنے پر لگی جس سے وہ زخمی ہوگئے وہ وکٹ گرنے کے بعد کریز پر واپس آئے لیکن وکٹ کے درمیان دوڑتے ہوئے درد سے کراہتے نظر آئے۔
شاہین نے بہادری کا مظاہرہ کرتے ہوئے میر حمزہ کو 47 ویں اوور میں لگاتار چھکے مار کر 28 گیندوں پر ناٹ آؤٹ 33 رنز بنائے.
پاکستان ٹیم کے فزیو کلف ڈیکن آفریدی کی حالت پر گہری نظر رکھے ہوئے ہیں چیمپئنز کپ کے پلے آف میں ان کی شرکت کا انحصار ڈاکٹروں کی جانب سے میڈیکل کلیئرنس پر ہوگا۔
لائنز کے ساتھ آج کے پریکٹس سیشن میں ڈاکٹر اور فزیو آفریدی کی فٹنس کا جائزہ لیں گے چیمپئنز کپ کا پہلا ایلیمینیٹر، لائنز اور اسٹالینز کے درمیان، کل شیڈول ہے۔
