اردو انٹرنیشنل (مانیٹرنگ ڈیسک) سینئر صحافی مطیع اللہ جان کے بیٹے نے دعویٰ کیا ہے کہ ان کے والد کو بدھ کی رات نامعلوم افراد نے اغوا کر لیا ۔
صحافی مطیع اللہ جان کے ایکس اکاؤنٹ پر صبح 5 بجکر 9 منٹ پر کی گئی پوسٹ میں ان کے بیٹے نے بتایا ہے کہ مطیع اللہ جان کو آج رات 11 بجے پمز کی پارکنگ سے نامعلوم اغوا کاروں نے ثاقب بشیر کے ساتھ ایک نامعلوم گاڑی میں اغوا کر لیا۔
پوسٹ میں دعویٰ کیا گیا ہے کہ’یہ واقعہ اسلام آباد میں ہونے والے مظاہروں کی ان کی جرات مندانہ کوریج کے بعد پیش آیا ہے’۔
مطیع اللہ جان کے بیٹے وحید مراد کے مطابق نامعلوم افراد نے ثاقب بشیر کو بعد میں اسلام آباد کے سیکٹر I-9 میں چھوڑ دیا تاہم، مطیع اللہ جان کو اٹھا کر لے گئے جو اب تک لاپتہ ہیں
مطیع اللہ کے بیٹے نے مطالبہ کیا ہے کہ ان کے والد کو فوری طور پر چھوڑا جائے اور ان کے گھر والوں کو ان کے ٹھکانے سے آگاہ کیا جائے، انہوں نے ’X‘ پر ٹویٹ کرتے ہوئے اپنے والد کے اغواء کی خبر دی۔
سینئر صحافی اور اینکر پرسن حامد میر نے ’ایکس‘ پر اپنی پوسٹ میں دعویٰ کیا کہ مطیع اللہ جان اور ایک اور صحافی ثاقب بشیر کو 26 نومبر کی رات نامعلوم افراد نے اغوا کیا تھا۔
