ورلڈ چیمپئن آف لیجنڈ 2024:بھارت نے جنوبی افریقہ سے شکست کے باوجود سیمی فائنل کے لیے کوالیفائی کر لیا
اردو انٹرنیشنل (اسپورٹس ڈیسک) تفصیلات کے مطابق بدھ کی رات نارتھمپٹن کے کاؤنٹی گراؤنڈ میں ورلڈ چیمپئن شپ آف لیجنڈز 2024 کے آخری لیگ میچ میں جنوبی افریقہ نے بھارت کو 54 رنز سے شکست دی۔
جنوبی افریقہ سے ہارنے کے باوجود، بھارت نے سیمی فائنل کے لیے کوالیفائی کر لیا کیونکہ اسے کوالیفائی کرنے کے لیے 153 کا مجموعی ا سکور کرنا تھا اور انہوں نے 20 اوورز میں 156/6 کا مجموعی اسکور سکوربنا کر ٹیبل پر چوتھے نمبر پر پہنچ گئے۔
اس سے قبل جنوبی افریقہ نے کرتے ہوئے 210/8 بنائے جیک سنیمن بہترین بلے باز رہے انہوں نے 43 گیندوں پر 73 رنز بنائے جہاں انہوں نے 10 چوکے اور 3 چھکے لگائے۔
دریں اثنا، رچرڈ لیوی نے 25 گیندوں پر 60 رنز بنائے جس میں 5چوکے اور 5 ہی چھکے شامل تھے ریان میک لارن (20) اور کپتان جیک کیلس (17) قیمتی اننگز کے ساتھ شامل ہوئے۔
ہربھجن سنگھ نے 4/25 کے اعداد و شمار حاصل کیے جبکہ دھول کلکرنی، ونے کمار، پون نیگی اور یوسف پٹھان نے ایک وکٹ حاصل کی۔
ہندوستان نے رابن اتھپا (23) کے ساتھ مضبوطی سے آغاز کیا لیکن ورنن فلینڈر کی شاندار باولنگ جنوبی افریقہ کو کھیل میں واپس لائی۔
وکٹیں مسلسل گرتی رہیں لیکن پٹھان برادران – عرفان اور یوسف نے 55 رنز کا اہم اسٹینڈ بنا کر ہندوستان کو پھر سے یقین دلایا۔
عرفان 19ویں اوور میں 21 گیندوں پر 53 رنز بنانے کے بعد رن آؤٹ ہوئے اس دوران یوسف 44 گیندوں پر 54 رنز بنا کر ناٹ آؤٹ رہے۔
واضح رہے کہ بھارت چوتھے اور ویسٹ انڈیز تیسرے نمبر پر رہا آسٹریلیا اور پاکستان نے بالترتیب پہلے اور دوسرے نمبر پر چار فتوحات حاصل کیں۔