پی ٹی سی ایل گروپ نے جیولن سٹار ارشد ندیم کو بطور برانڈ ایمبیسیڈر سائن کر لیا

اردو انٹرنیشنل اسپورٹس ویب ڈیسک تفصیلات کے مطابق پی ٹی سی ایل گروپ نے اولمپیئن اور اسٹار جیولن تھرو ارشد ندیم کو اپنا برانڈ ایمبیسیڈر منتخب کیا ہے۔پی ٹی سی ایل نے ارشد ندیم کو برانڈ ایمبیسڈر اس وقت منتخب کیا ہے جب وہ پیرس اولمپکس میں شرکت کرنے جارہے ہیں.

پی ٹی سی ایل نے اس اقدام کے تحت ارشد کے لیے ملک گیر حمایت حاصل کرنے کا عزم ظاہر کیا ہے . پی ٹی سی ایل گروپ کا مقصد قومی ہیروز کو سپورٹ کرنا اور ان کی عزت افزائی کرنا، نوجوانوں کو متاثر کرنے کے لیے ان کی کہانیوں کی نمائش کرنا ہے۔ انہیں امید ہے کہ اس سے مزید باصلاحیت نوجوانوں کی حوصلہ افزائی ہوگی کہ وہ ملک کا سر فخر سے بلند کریں۔

ارشد ندیم ایک مشہور ایتھلیٹ ہیں جنہوں نے جیولین تھرو میں قومی اور بین الاقوامی سطح پر شاندار کارکردگی کا مظاہرہ کیا ہے۔ 2021 میں، وہ اولمپکس کے لیے کوالیفائی کرنے والے پہلے پاکستانی ٹریک اینڈ فیلڈ ایتھلیٹ بن گئے، جو ٹوکیو میں پانچویں نمبر پر رہے۔ اس نے 2022 کے کامن ویلتھ گیمز میں گولڈ اور 2021 کے اسلامک سولیڈیرٹی گیمز میں ایک اور گولڈ میڈل جیتا تھا۔ اس نے بدا پیسٹ میں 2023 کی عالمی ایتھلیٹکس چیمپئن شپ میں چاندی کا تمغہ بھی جیتا تھا، جہاں اس نے پیرس میں 2024 کے سمر اولمپکس کے لیے کوالیفائی کیا تھا۔

ارشد ندیم نے کھیلوں میں ثابت قدمی اور مشترکہ اہداف کی اہمیت پر زور دیتے ہوئے پی ٹی سی ایل اوریوفون فورجی کے تعاون پر ان کا شکریہ ادا کیا۔
پی ٹی سی ایل اور یوفون 4 جی کے سی ایم او سید عاطف رضا نے کہا کہ ارشد ندیم کے ساتھ شراکت کا مقصد پاکستان کی غیر معمولی صلاحیتوں کو ظاہر کرنا اور قومی کھیلوں میں بہترین کارکردگی کی حوصلہ افزائی کرنا ہے۔