Wednesday, July 17, 2024
پاکستانوزیراعظم شہباز شریف کا کابینہ کے ہمراہ جی ایچ کیو راولپنڈی کا...

وزیراعظم شہباز شریف کا کابینہ کے ہمراہ جی ایچ کیو راولپنڈی کا دورہ

وزیراعظم شہباز شریف کا کابینہ کے ہمراہ جی ایچ کیو راولپنڈی کا دورہ

اردو انٹرنیشنل ( مانیٹرنگ ڈیسک) تفصیلات کے مطابق وزیراعظم شہباز شریف نے جنرل ہیڈ کوارٹرز (جی ایچ کیو) راولپنڈی کا دورہ کیا جس میں انہیں قومی سلامتی اور فوجی تیاریوں پر بریفنگ دی گئی۔

پاک فوج کے شعبہ تعلقات عامہ( آئی ایس پی آر) کے مطابق وزیر اعظم شہباز شریف نے اہم کابینہ ارکان کے ہمراہ جی ایچ کیو کا دورہ کیا، آرمی چیف جنرل عاصم منیر نے وزیراعظم شہباز شریف کااستقبال کیا.

وزیراعظم کو جی ایچ کیو پہنچنے پر گارڈ اف آنر پیش کیا گیا، وزیراعظم نے جی ایچ کیو میں یادگار شہداء پر پھول چڑھائے اور فاتح خوانی کی۔

اردو انٹرنیشنل

پاک فوج نے وزیراعظم اور کابینہ کو موجودہ سیکیورٹی صورتحال، درپیش خطرات سے نمٹنے اور انسداد دہشتگردی کارروائیوں بریفنگ دی ، شہباز شریف اور کابینہ نے دہشت گردی کیخلاف جنگ میں پاک فوج کی پیشہ وارانہ مہارت ، پاک فوج کی آپریشنل تیاریوں اور قربانیوں کو سراہا ۔

اردو انٹرنیشنل

آرمی چیف نے وزیراعظم کا دورہ کرنے پر اور افواج پاکستان پر اعتماد کا اظہار کرنے پر شکریہ ادا کیا۔

آئی ایس پی آر کے مطابق آرمی چیف جنرل عاصم منیر نے کہا کہ پاک فوج قوم کی توقعات پر پورا اترتی رہے گی، پاک فوج پاکستان کو درپیش سکیورٹی چیلنجز سے نمٹنے میں حکومت کی بھرپور حمایت کرے گی۔

دورے کے اختتام پر سویلین اور فوجی قیادت نے قومی مفادات کے تحفظ کے لیے مل کر کام کرنے کی ضرورت پر زور دیا۔

دیگر خبریں

Trending

کینیا: ٹیکس اضافے کے خلاف پرتشدد مظاہروں میں 13...

0
کینیا: ٹیکس اضافے کے خلاف پرتشدد مظاہروں میں 13 افراد ہلاک ، صورتحال پر قابو پانے کیلئے فوج طلب اردو انٹرنیشنل ( مانیٹرنگ ڈیسک)کینیا میں...