صدر مملکت کی روسی ہم منصب ولادی میر پیوٹن سے ملاقات،دوطرفہ تعلقات کو مزید مضبوط بنانے پر زور
اردو انٹرنیشنل (مانیٹرنگ ڈیسک) صدر مملکت آصف علی زرداری نے جمعہ کو اپنے روسی ہم منصب ولادی میر پیوٹن سے ملاقات کی جس میں دوطرفہ تعلقات کو مزید مضبوط بنانے پر زور دیا۔
ترکمانستان کے دارالحکومت میں “وقت اور تہذیبوں کا باہمی تعلق – امن اور ترقی کی بنیاد” کے موضوع پر دو روزہ بین الاقوامی فورم کے موقع پر غیر رسمی بات چیت کا انعقاد ترکمانستان کے عظیم مفکر،فلسفی، شاعر مقطیمقلی فراگی کے 300 ویں یوم پیدائش کی مناسبت سے کیا گیا۔
ایوان صدر کی پریس ریلیز کے مطابق دونوں رہنماؤں نے ایک دوسرے کے لیے نیک خواہشات کا اظہار کیا۔
بیان کے مطابق ملاقات میں دونوں صدور نے پاکستان اور روس کے درمیان دو طرفہ تعلقات مزید مضبوط بنانے کی ضرورت پر زور دیا۔
قبل ازیں صدر مملکت جمعرات کو 2 روزہ دورے پر اشک آباد پہنچے تھے جہاں انہوں نے اس فورم سے خطاب کیا جس میں ایرانی صدر مسعود پیزشکیان، روسی صدر ولادیمیر پوتن، قازقستان کے صدر قاسم جومارت توکایف، ازبکستان کے صدر شوکت مرزی یوئیف، تاجک صدر نے بھی شرکت کی۔
اپنے خطاب میں صدر نے تقریب کی میزبانی کرنے پر ترکمان قیادت اور عوام کی تعریف کی جس نے انہیں علاقائی ممالک کے رہنماؤں سے بات چیت کا موقع بھی فراہم کیا۔