پریمیئر لیگ: فلہم اور ایپسوچ کا سنسنی خیز مقابلہ 2-2 سے برابر

اردو انٹرنیشنل (اسپورٹس ویب ڈیسک) تفصیلات کے مطابق فلہم نے ایپسوچ کے خلاف سنسنی خیز میچ میں 2-2 سے ڈرا کر کے اپنی ناقابل شکست رن کو آٹھ گیمز تک بڑھا دیا۔ ہاؤل غیمینز نے اسٹاپیج ٹائم میں اعصاب شکن پنالٹی گول کر کے اپنی ٹیم کے لیے اہم پوائنٹ بچایا۔

ایپسوچ نے پہلے ہاف میں ابتادئی برتری حاصل کی ، ایپسوچ کی جانب سے، سیمی سموڈکس نے اس وقت گول کیا جب بین جانسن کے ہیڈر کے بعد گیند بار سے ٹکرا کر واپس آئی۔ جبکہ فلہم نے کھیل پر کنٹرول رکھا، لیکن وہ پہلے ہاف میں گول کرنے میں ناکام رہے۔

دوسرے ہاف میں میچ ڈرامائی موڑ اختیار کر گیا۔ دوسرے ہاف میں تین پنالٹیز دی گئیں۔ فلہم نے ہاؤل غیمینز کی پنالٹی کے ذریعے اسکور برابر کیا۔ یہ پنالٹی ریفری ڈیرن بانڈ کے وی اے آر کے ذریعے فیصلے کو بدلنے کے بعد دی گئی۔ جبکہ لیام ڈیلپ نے دوسری پنالٹی پر گول کر کے ایپسوچ کو دوبارہ برتری دلائی۔

آخری لمحات میں، ہاؤل غیمینز کو لیف ڈیوس نے گرا دیا اور انہوں نے پنالٹی کو گول میں تبدیل کر کے میچ کو 2-2 سے برابر کر دیا۔

فلہم کے مینیجر مارکو سلوا نے ریفری بانڈ پر تنقید کرتے ہوئے کہا کہ ان کی کارکردگی “پریمیئر لیگ کے معیار کی نہیں” تھی۔

فلہم اب پریمیئر لیگ میں نویں نمبر پر ہے، جبکہ ایپسوچ 18ویں پوزیشن پر موجود ہے۔ فلہم کی یہ کارکردگی ان کی مستقل مزاجی کا ثبوت ہے، جو انہیں سیزن میں مزید مضبوط بنا سکتی ہے۔