پرتگال کا رونالڈو کے نام کا سکہ جاری کرنے کا فیصلہ

پرتگال کا رونالڈو کے نام کا سکہ جاری کرنے کا فیصلہ

اردوانٹرنیشنل(اسپورٹس ڈیسک) تفصیلات کے مطابق پرتگال سے تعلق رکھنے والے دنیائے فٹبال کے سپر اسٹار کرسٹیانو رونالڈو جنہوں نے اپنے شاندار کیریئر میں بے شمار کارنامے سر انجام دیے، اب وہ ایک اور اعزاز اپنے نام کرنے جا رہے ہیں۔

غیر ملکی میڈیا رپورٹس کے مطابق پرتگال 5 بار کے بیلن ڈی اور ایوارڈ جیتنے والے کرسٹیانو رونالڈو کے اعزاز میں کرنسی سکہ جاری کرے گا۔

پرتگال اپنے عظیم ترین فٹبالر رونالڈو کے کھیل کے میدان میں شاندار خدمات کے اعتراف میں ‘7 یورو ‘کا سکہ جاری کرنے والا ہے۔

رپورٹس کے مطابق اس خاص سکے پر رونالڈو کی تصویر اور ان کا نام اور شرٹ نمبر ‘سی آر7’ ابھرا ہوا ہوگا۔

اس سکے کی خاص بات یہ ہے کہ رونالڈو کے نام کا یہ سکہ ملک بھر میں کرنسی کے طور پر قابل قبول ہوگا۔

واضح رہے کہ گزشتہ دنوں کرسٹیانو رونالڈو نے اپنے پروفیشنل کیریئر میں 900 گول اسکور کرنے والے دنیا کے پہلے فٹبالر کا بھی اعزاز حاصل کیا۔