پی سی بی نے چیمپئنز کپ کے مینٹور کو اہم ذمہ داریاں سونپ دیں

پی سی بی نے چیمپئنز کپ کے مینٹور کو اہم ذمہ داریاں سونپ دیں

اردوانٹرنیشنل(اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے مختلف اکیڈمیوں میں چیمپئنز کپ کے مینٹور کو اہم ذمہ داریاں سونپی ہیں۔

پی سی بی کی جانب سے مقرر کردہ پانچوں مشیر، اعلیٰ کارکردگی کے مراکز میں کھلاڑیوں کی رہنمائی کریں گے۔

سرفراز احمد کراچی اکیڈمی، شعیب ملک سیالکوٹ اکیڈمی اور وقار یونس لاہور اکیڈمی میں خدمات سرانجام دیں گے ادھر ثقلین مشتاق کو ملتان اکیڈمی میں ذمہ داریاں سونپ دی گئی ہیں، فیصل آباد اکیڈمی کی نگرانی مصباح الحق کریں گے۔

ذرائع نے عندیہ دیا کہ پی سی بی نے چیمپئنز کپ کے آغاز سے قبل ان مینٹور کو کافی معاوضے کے ساتھ تعینات کیا تھا۔

مینٹور کی ذمہ داریاں صرف ٹورنامنٹ تک محدود نہیں رہیں گی بلکہ وہ سال بھر پی سی بی کے ساتھ کرکٹ کی مختلف سرگرمیوں میں بھی حصہ لیں گے۔