پی سی بی نے سمیر احمد کو بورڈ کا چیف ایگزیکٹو آفیسر تعینات کرنے کی منظوری دے دی

اردوانٹرنیشنل(اسپورٹس ڈیسک) ذرائع کے مطابق پاکستان کرکٹ بورڈ کے چیئرمین محسن نقوی نے ہفتے کے روز لاہور میں پی سی بی بورڈ آف گورنرز (بی او جی) کے اجلاس کی صدارت کی۔

بورڈ نے اجلاس کے دوران سمیر احمد سید کو پاکستان کرکٹ بورڈ کا چیف ایگزیکٹو آفیسر (سی ای او) تعینات کرنے کی منظوری دی جبکہ سلمان نصیر کو پاکستان سپر لیگ (پی ایس ایل) کا چیف ایگزیکٹو آفیسر مقرر کیا گیا۔

بورڈ آف گورنرز کے اجلاس میں شرکت کرنے والوں میں نمایاں افراد میں ممبر سجاد کھوکھر، تنویر پانیزئی، طارق سرور، معروف سابق کرکٹر ظہیر عباس اور دیگر شامل تھے۔

گورننگ بورڈ کے کچھ ممبران نے بھی آن لائن میٹنگ میں شرکت کی۔