پاکستان کے ٹی ٹوئنٹی ورلڈ کپ کے اسکواڈ کا انوکھے انداز میں اعلان

پاکستان کے ٹی ٹوئنٹی ورلڈ کپ کے اسکواڈ کا انوکھے انداز میں اعلان

اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے جمعہ کو آئندہ ٹی ٹوئنٹی ورلڈ کپ 2024 کے لیے پاکستان کرکٹ ٹیم کے اسکواڈ کا اعلان کر دیا، جو یکم جون سے امریکہ اور ویسٹ انڈیز میں کھیلا جائے گا۔

15 رکنی اسکواڈ کا اعلان منفرد انداز میں کیا گیا کیونکہ شائقین نے ورلڈ کپ میں شرکت کرنے والے ہر کھلاڑی کے نام کی نقاب کشائی کی محمد عامر، عماد وسیم اور حارث رؤف جیسے ناموں کو اسکواڈ میں شامل کیا گیا تھا کیونکہ گرین شرٹس کی نظریں 2017 میں چیمپئنز ٹرافی جیتنے کے بعد پہلی آئی سی سی ٹرافی پر ہیں۔

شاہین آفریدی، نسیم شاہ، محمد رضوان اور فخر زمان جیسے اہم نام یکم جون سے امریکا اور ویسٹ انڈیز میں شروع ہونے والے ٹی ٹوئنٹی ورلڈ کپ 2024 کے لیے پاکستانی اسکواڈ کا حصہ ہیں۔

یہ بات قابل ذکر ہے کہ ورلڈ کپ اسکواڈ کے لیے کسی ریزرو کا اعلان نہیں کیا گیا ہے۔

پاکستان کا ٹی ٹوئنٹی ورلڈ کپ 2024 اسکواڈ
بابر اعظم، صائم ایوب، محمد رضوان، اعظم خان، شاداب خان، فخر زمان، عثمان خان، افتخار احمد، عماد وسیم، ابرار احمد، محمد عباس آفریدی، محمد عامر، نسیم شاہ، شاہین شاہ آفریدی، حارث رؤف۔