پاکستان کے اذان علی خان برٹش اوپن سکواش چیمپئن شپ میں شرکت کے لیے برمنگھم پہنچ گئے

اردو انٹرنیشنل (اسپورٹس ویب ڈیسک) تفصیلات کے مطابق پاکستان کے جونیئر انڈر 17 کیٹگری کے اسٹار اسکواش پلیئر اذان علی خان برٹش اوپن ورلڈ جونیئر سکواش چیمپئن شپ میں شرکت کے لیے برمنگھم پہنچ گئے۔

اذان علی نے اس سے قبل اسکاٹش جونیئر اوپن چیمپئن شپ میں تاریخ رقم کی اور ایونٹ کے ناقابلِ شکست کھلاڑی کا اعزاز اپنے نام کیا، انہوں نے اسکاٹش جونیئر اوپن چیمپئن شپ کے فائنل میں سوئٹزرلینڈ کے کھلاڑی لینڈرو واگل کو شکست دی اور اپنی جیت پاکستان میں اسکولوں سے باہر بچوں کے نام کی۔

یاد رہے، رٹش اوپن ورلڈ جونیئر سکواش چیمپئن شپ 2 جنوری سے 6 جنوری تک برطانیہ کے شہربرمنگھم میں منعقد ہوگی، پاکستان کی معروف فلاحی تنظیم مسلم ہینڈز اور پرائم منسٹر یوتھ پروگرام اذان علی خان کو مکمل سپورٹ کر رہے ہیں۔