پاکستان ویمن بمقابلہ انگلینڈ: پاکستان ویمن ٹیم کا تیسرے روز ٹریننگ سیشن جاری

اردو انٹرنیشنل (اسپورٹس ڈیسک) تفصیلات کے مطابق پاکستان ویمن ٹیم نے انگلینڈ کے خلاف وائٹ بال سیریز کے لیے بدھ کو یہاں اپٹن اسٹیل کاؤنٹی کرکٹ گراؤنڈ میں تیسرے روز تربیتی سیشن میں حصہ لیا۔

کھلاڑی پہلے پریکٹس میچ سے پہلے مقامی وقت کے مطابق دوپہر 1 بجے تک مضبوط ٹریننگ سیشن میں حصہ لیں گے۔

پاکستان ویمنز ٹیم انگلینڈ اینڈ ویلز کرکٹ بورڈ (ای سی بی) ڈویلپمنٹ الیون کے خلاف 9 مئی کو مقامی وقت کے مطابق صبح 11 بجے ایک وارم اپ میچ کھیلے گی۔

اس کے بعد ٹیم برمنگھم روانہ ہوگی جہاں وہ 11 مئی کو انگلینڈ کے خلاف تین ٹی ٹوئنٹی میچوں کی سیریز کا پہلا میچ کھیلے گی۔

سیریز کا دوسرا ٹی ٹوئنٹی میچ 17 مئی کو کھیلا جائے گا جب کہ تیسرا اور آخری میچ 19 مئی کو کھیلا جائے گا جس کے بعد ون ڈے سیریز کا آغاز 23 مئی سے ہوگا۔

پاکستان ویمنز اسکواڈ
ندا ڈار (کپتان)، عالیہ ریاض، عائشہ ظفر، ڈیانا بیگ، فاطمہ ثناء، گل فیروزہ، منیبہ علی (وکٹ)، ناجیہ علوی (وکٹ)، نشرہ سندھو، نتالیہ پرویز، رامین شمیم، صدف شمس، سعدیہ اقبال، سدرہ امین طوبہ حسن، ام ہانی اور وحیدہ اختر