Pakistan vs Canada: We wanted to win the match within 14 overs, Babar Azam
پاکستان بمقابلہ کینیڈا: ہم 14 اوور کے اندر میچ جیتنا چاہتے تھے،بابر اعظم
اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ ٹیم کے کپتان بابراعظم کا کہنا ہے کہ ہم 14 اوور کے اندر میچ جیتنا چاہتے تھے لیکن پچ نے مشکلات پیدا کیں۔
بابراعظم نے میچ کے بعد کہا کہ کینیڈا کے خلاف میچ میں ہم اپنے پلان کے مطابق کھیلے جس شاٹ پر میں آؤٹ ہوا وہ میرا شاٹ ہےکبھی لگ جاتا ہےکبھی نہیں۔
واضح رہےکہ ٹی ٹوئنٹی ورلڈکپ 2024 میں پاکستان نے پہلی کامیابی حاصل کرتے ہوئے کینیڈا کو 7 وکٹ سے شکست دی تھی۔ بابر کی ٹیم نے107 رنز کا ہدف 17.3 اوورز میں 3 وکٹ کےنقصان پر حاصل کرلیا۔
پاکستان ٹیم کو نیٹ رن ریٹ میں امریکا سے آگے نکلنے کے لیے یہ ہدف 13 اعشاریہ 5 اوور میں پورا کرنا تھا تاہم پاکستانی بیٹرز سست روی کے باعث ایسا نہ کرسکے اور 14 اوور میں 81 رنز ہی بناسکے۔ قومی ٹیم نے 107 رنز کا ہدف 3 وکٹوں کے نقصان پر 17 اعشاریہ 3 اوور میں مکمل کیا۔
ورلڈکپ میں اپنا سفر جاری رکھنے کے لیے قومی ٹیم کو نا صرف اگلا میچ جیتنا ضروری ہیں بلکہ اس کے ساتھ امریکا کی بھارت اور آئرلینڈ سے شکست کی دعا بھی کرنا ہوگی کیونکہ امریکا نے اگر مزید ایک پوائنٹ بھی حاصل کرلیا تو پاکستان کا سفر یہی ختم ہوجائے گا۔
16 جون کو شیڈولڈ پاکستان اور آئرلینڈ کے میچ میں بھی بارش کا 47 فیصد امکان ہیں۔
