نیوزی لینڈ کرکٹ وفد کا سہ فریقی سیریز سے قبل کراچی اسٹیڈیم کا دورہ

اردوانٹرنیشنل (اسپورٹس ڈیسک) تفصیلات کے مطابق نیوزی لینڈ کرکٹ کے ایک وفد نے جمعرات کو کراچی کے نیشنل اسٹیڈیم کا دورہ کیا تاکہ آئندہ سال فروری میں کھیلی جانے والی آئندہ ون ڈے سہ فریقی سیریز کے انتظامات کا جائزہ لیا۔

نیوزی لینڈ پلیئرز ایسوسی ایشن کے نمائندے بریڈ روڈن اور سیکیورٹی کنسلٹنٹ ریگ ڈیکاسن سمیت نیوزی لینڈ کرکٹ کے وفد کا پی سی بی کے ڈائریکٹر انٹرنیشنل کرکٹ عثمان واہلہ اور جنرل منیجر ارشد خان نے خیرمقدم کیا۔

تفصیلات کے مطابق وفد نے آئی سی سی مینز چیمپئنز ٹرافی 2025 کے لیے اسٹیڈیم کی عمارت کی تزئین و آرائش کے عمل کا بھی جائزہ لیا۔

اس سے قبل وفد نے اپنے جائزے کے حصے کے طور پر راولپنڈی اسٹیڈیم اور لاہور کے قذافی اسٹیڈیم کا بھی دورہ کیا۔

واضح رہے کہ پاکستان آئی سی سی مینز چیمپیئنز ٹرافی 2025 سے کچھ دن پہلے نیوزی لینڈ اور جنوبی افریقہ کی سہ فریقی سیریز کی میزبانی کرے گا، جو 19 فروری سے 9 مارچ تک جاری رہے گی۔

یہ سیریز 8 سے 14 فروری تک کھیلی جائے گی، جس سے تینوں ٹیموں کو آٹھ ٹیموں کے ٹورنامنٹ کے لیے اپنی تیاریوں کو بہتر بنانے کا کافی موقع ملے گا۔

ون ڈے سہ فریقی سیریز کا شیڈول:

فروری 08 2025 – پاکستان بمقابلہ نیوزی لینڈ

فروری 10 2025 – نیوزی لینڈ بمقابلہ جنوبی افریقہ

فروری 12 2025 – پاکستان بمقابلہ جنوبی افریقہ

فروری14 2025 – فائنل